Цефат 500мг №10
ХЭРЭГЛЭХ ЗААВАР
Тунг тухайн өвчтөний онцлогт тохирсон шаардлагтай хэмжээгээр эмч тохируулж өгнө.
ТАЙЛБАР
Цефат / цефадроксил моногидрат агуулсан бэлдмэл нь ууж хэрэглэх цефалоспорины бүлгийн хагас нийлэг антибиотик юм. Ууж хэрэглэхэд ходоодны хүчилд тэсвэртэй ба сайтар шимэгдэнэ. Амьсгалын замын халдварууд тонзилит, фарингит, хатгалгаа, бронхит, гуурсан хоолой тэлэгдэх өвчин, уушигны буглаа, эмпием, синусит, дунд чихний үрэвсэл, арьс, зөөлөн эдийн халдварууд лимфаденит, буглаа, целлюлит, шархлаа, хөхний үрэвсэл, мундас, ёлом, шээс бэлгийн замын халдварууд пиелонефрит, цистит, аднексит, эндометрит, остеомиелит, артрит, цусан үжил, хэвлийн гялтан хальсны үрэвсэл, төрсний дараах үжилт халдваруудад хэрэглэнэ. Heamоphilus influenza-р үүсгэгдсэн дунд чихний халдварын эмчилгээнд хэрэглэхгүй.
НАЙРЛАГА
Цефадроксил 500 мг хүрэлцэх хэмжээний цефадроксил моногидрат агуулна.
АНХААРУУЛГА
Цефалоспоринд хэт мэдрэг өвчтөнд хэрэглэхгүй. Ходоод гэдэсний хямрал (ходоод татах, өвдөх, дотор муухайрах, бөөлжих, суулгах), хэт мэдрэгшлийн урвал (арьсны тууралт, чонон хөрвөс, загатнаа) илэрч болно. Мөн эмчилгээний явцад хуурамч бүрхүүлт колит үүсч болно.