Өлзий-18 /Olzii – 18/
ХЭРЭГЛЭХ ЗААВАР
Насанд хүрэгсдэд өдөрт 1-2 удаа, удаа бүр 3-5 үрлийг халуун дийлэнх бол буцалсан усаар, хүйтэн дийлэнх бол архиар, сарын хир хоригдсонд гишүүнэ-3 тангаар, сарын хир тэгшгүй үед тахиан цацаг цэцгийн тангаар даруулж ууна.
ТАЙЛБАР
Хий цус харшилдсаныг дарж, сарын хирийг тэгшитгэх чадалтай. Эмэгтэйн хий цус харшилдсан гэм, сарын хир тэгшгүй, нярайн халуун, их хөлрөх, бие хүндрэх, хавагнах, толгой, үе гишүүн, бөөр бэлхүүс шархиран өвдөх, хөхний хавдар зэрэгт хэрэглэнэ.
НАЙРЛАГА
Ар үр, оломсэ, чацаргана, дөрвөлжин өвс, мана, бугын цусан эвэр, агь, руда, цагаан гаа, сибирь арц, гиван, лишь, гүргүм, хорхой мөөг, шунх, тунсаа, баавгайн цөс, барагшун гэсэн 18 найрлагатай.
АНХААРУУЛГА
Уламжлалт эмийн найрлаганд орсон аль нэгэн бодист хэт мэдрэг өвчтөнд хэрэглэж болохгүй. Энэ эмийн гаж нөлөө тогтоогдоогүй. Өлзий-18 эмийн найрлага дахь түүхий эдүүдэд мэдрэг болон онцгой харшилтай хүмүүс хэрэглэх үед харшил үзүүлнэ. Ургамлын харшилтай өвчтөнд болгоомжтой хэрэглэнэ.