флагатроп 0,6мг/мл
ХЭРЭГЛЭХ ЗААВАР
Тунг эмчлэгч эмч тухайн өвчний явц, тухайн хүний биеийн онцлогт тохируулан тогтоож өгнө.
ТАЙЛБАР
Атропин нь зүрхний цохилт түргэсэх, гуурсан хоолой, ходоод, нулимс, хамар, хөлс, шүлсний булчирхайн шүүрэл татрах, гэдэсний хөдөлгөөн багасах, шээсний ялгаралт дарангуйлагдах зэрэг захын үйлдэл үзүүлнэ. Атропин нь амьсгалын замын шүүрэл ялгаралтыг бууруулах ба гуурсан хоолойн гөлгөр булчинг сулруулж бронх өргөсгөх үйлдэл үзүүлнэ. Мэдээгүйжүүлэлтийн практикт хэрэглэхдээ зүрхэнд үзүүлэх вагус мэдрэлийн саатуулах нөлөөг бууруулах, мөн гуурсан хоолой, шүлсний булчирхайн шүүрлийг хязгаарлах зорилгоор хэрэглэнэ.
НАЙРЛАГА
1 мл 0.6 мг атропин сульфат агуулагдана. Тарианы ус хэрэгцээний хирээр агуулагдана.
АНХААРУУЛГА
Атропин сульфат болон бэлдмэлийн найрлага дахь бодисуудад хэт мэдрэг хүмүүс, миастени буюу булчин сульдал, хүнд хэлбэрийн брадикарди үед хэрэглэхийг хориглоно. Гэдэсний саажилт түгжрэл, ходоодны нугалуур хэсгийн нарийсал, хордлогот мегаколон, хүнд хэлбэрийн шархлаат колит, улаан хоолойн сөөргөөт үрэвсэл, нарийн өнцөгт глауком, тиреотоксикоз, түрүү булчирхайн томролт үед хэрэглэхгүй. Атропин сульфатыг хүүхэд, өндөр настан, Дауны синдромтой хүмүүст болгоомжтой хэрэглэнэ. Суулгаж буй, шээсний гарц багассан, халуурч буй өвчтөнүүдэд мөн болгоомжтой хэрэглэнэ.