COVID Ag Rapid test
ХЭРЭГЛЭХ ЗААВАР
Ариун бамбарыг шинжлүүлэгчийн хамрын нүхээр оруулан хамар залгиурын арын хананы гадаргуугаар хэд хэдэн удаа эргүүлэн арчиж авна. Арчдас авсан бамбарыг ялгагч буфер бүхий тюбенд хийгээд арчдасны бамбарыг тюбнээс буцааж авахдаа бамбараас шингэнийг бүрэн авах зорилгоор тюбийг чимхэж бамбарыг сугалж авна. Хошуу бүхий тюбетэй сорьцноос 3 дуслыг жаазан оношлуурын сорьцын нүхэнд дусаана. Хариуг 15-30 минутанд уншиж дүгнэнэ. 30 минутаас хойш хариуг дүгнэхгүй. Энэ нь хуурамч эерэг хариу өгөх эрсдэлтэй.
ТАЙЛБАР
Хүний хамар залгиурт SARSCov 2-ын өвөрмөц антигений чанарын аргаар илрүүлэх иммунохромотографийн түргэвчилсэн оношлуур юм. SARSCov 2 энэ халдварын эмнэл зүйн шинж тэмдэг илэрсэн өвчтнүүдэд энэ халдварыг эрт үед нь оношлох зорилгоор хийгдэх бөгөөд энэхүү шинжилгээг мэргэшсэн эрүүл мэндийн ажилтан болон лабораторийн мэргэжилтнүүд хийнэ. Энэхүү оношилгоог эрт үеийн илрүүлэг шинжилгээнд хэрэглэгдэнэ. Сургагдсан эрүүл мэндийн мэрэгжилтнүүд шинжилгээг хийж хариунд дүн шинжилгээ хийнэ. Энэ шинжилгээний үр дүн нь дангаараа оношийн үндэслэл болохгүй, заавал баталгаажуулах шинжилгээг шаардана.
НАЙРЛАГА
Жаазан оношлуур, ялгагч буфер бүхий тюбе, хошуу бүхий тюбений таглаа, ариун бамбар
АНХААРУУЛГА
Оношлуурын цомгийг дахин давтан хэрэглэхгүй. Оношлуурын бүрэн бүтэн байдал алдагдсан болон гэмтсэн оношлуурыг хэрэглэхийг хориглоно. Шаардлагатай халдваргүйжүүлэгч бодисыг хэрэглэнэ. Бүх сорьцыг халдвартай материал гэж үзэж харьцана. Бүх шинжлэгдэхүүн, хэрэглэсэн материалыг биологийн аюултай хог хаягдлын журмыг баримтлан устгана.