Диклоран плюс 30гр
ХЭРЭГЛЭХ ЗААВАР
Насанд хүрэгсэд ба 6-с дээш насны хүүхэд өдөрт 3-4 удаа арьсанд зөөлөн түрхэж шингээнэ
Эмгэгтэй хэсгийн хэмжээнээс бэлдмэлийн тун хамаарна
Бэлдмэлийн нэг удаагийн тун 2-4г
Эмчилгээг эмчийн зөвшөөрөлгүйгээр 10 өдрөөс олон хоног хэрэглэхгүй
ТАЙЛБАР
Тулгуур хөдөлгөөний аппаратын өвчин, хэрэхийн гаралтай үений үрэвсэл, хайрст үлдийн улмаас үүссэн үений үрэвсэл, хөдөлгөөн хязгаарлагдсан нурууны үений үрэвсэл, нуруу ба захын үений остеоартроз, зөөлөн эдийн хэрэхийн гэмтэл
Хэрэхийн ба хэрэхийн бус гаралтай булчингийн өвдөлт, зөөлөн эдийн гэмтэл
НАЙРЛАГА
Үйлчлэгч бодис:Диклофенак диэтиламин 11.61мг(10мг диклофенак натри-тэй тэнцэнэ) Метилсалицилат 100мгМентол 50мг Маалингын тос 30мг
Туслах бодис: бензилийн спирт, пропиленгликоль, карбомер-940, динатрийн эдетат, цетомакроголь 1000, цетостеарилын спирт, цэвэршүүлсэн ус тус тус агуулагдана
АНХААРУУЛГА
Цээрлэлт:Диклоран плюсыг диклофенак ба метилсалицилат, бэлдмэлийн найрлага дахь бусад бүрэлдэхүүн хэсэг, ацетилсалицилын хүчил, стероид бус бүтэцтэй үрэвслийн эсрэг эмэнд хэт мэдрэг хүмүүс, жирэмсэн үе (3 дахь 3 сар), хөхүүл үе, 6 хүртэл насны хүүхэд, арьсны бүрэн бүтэн байдал алдагдсан үед тус тус хэрэглэхийг цээрлэнэ
Болгоомжлол ! Элэгний порфири (хурцдал), хоол боловсруулах замын улайлтат шархлаат гэмтэл, элэг ба бөөрний үйл ажиллагааны хүнд явцтай өөрчлөлт, зүрхний архаг дутагдал, бронхын багтраа, настангууд, 12 хүртэл насны хүүхэд, жирэмсний I ба II дахь 3 сар зэрэгт тус тус болгоомжтой хэрэглэнэ
Гаж нөлөө: Бэлдмэлийг хэрэглэх үед дараах гаж нөлөө илэрч болно.Хэсэг газрын урвал:намарс, гэрэлд мэдрэгших, хавьтал харшлын арьсны үрэвсэл (түрхсэн хэсгийн арьс загатнах, улайх, хавагнах, толбот ба цэврүүт тууралт, гуужих)Системийн урвал: арьсны тархмал тууралт, харшлын урвал (чонон хөрвөс, судас мэдрэлийн хаван, бронхын агчил), гэрэлд мэдрэгших
Тун хэтэрсний улмаас илрэх нөлөө:Бэлдмэлийг гадуур хэрэглэхэд үйлчлэгч бодис нь маш бага шимэгддэг тул тун хэтрэх боломжгүй
Онцгой анхааруулга! Диклоран плюс бэлдмэлийг зөвхөн гэмтээгүй арьсанд түрхэж хэрэглэх бөгөөд нээлттэй шарханд хүргэхээс зайлсхийнэ. Бэлдмэлийг түрхсэний дараа боолт тавихгүй. Түүнчлэн бэлдмэлийг нүд болон салст бүрхүүлд хүргэж болохгүй
Эмийн харилцан үйлчлэл: Диклофенак гэрэлд мэдрэгшил үүсгэдэг эмийн бэлдмэлийн үйлдлийг хүчжүүлнэ. Өөр эмийн бэлдмэлтэй харилцан үйлчилдэг талаар тэмдэглэгдээгүй