Циннаризин 25мг No.50
ХЭРЭГЛЭХ ЗААВАР
Хоолны дараа ууж хэрэглэнэ. Тархины цусан хангамжийн дутагдлын үед 25-50мг-аар өдөрт 3 удаа, захын цусны эргэлтийн алдагдлын үед 50-75мг аар өдөрт 3 удаа, дотор чихний лабиринтын алдагдлын үед 25мг-аар өдөрт 3 удаа, хоногийн хамгийн дээд тун 225мг-аас хэтрэхгүй байх. Бэлдмэлд хэт мэдрэг үед тунг ½-ээр эхэлж аажим нэмэгдүүлнэ. Эмчилгээний нэг курс нь хэдэн долоо хоногоос хэдэн сар үргэлжилнэ.
ТАЙЛБАР
Судасны гөлгөр булчингийн эсэд нөлөөлж судас нарийсгах үйлдэлтэй. Ишемийн болон геморрагийн инсульт, гавал тархины гэмтэл, цусны эргэлтийн алдагдлын энцефалопати, чихний алдагдал (ялангуяа толгой эргэх эмгэгийн үед дэмжих эмчилгээ, чих шуугих, нистагм, дотор муухайрах, дотор чихний гаралтай бөөлжилт), мигрень,захын цусны эргэлтийн алдагдал,чихрийн шижингийн ангипати, тэжээл дутлын алдагдлууд, тэжээлгүйдэл болон судас өргөсөлтийн шарх, үхжил,захын мэдрэхүйн алдагдал зэрэгт хэрэглэнэ.
НАЙРЛАГА
Нэг шахмал эм нь идэвхитэй үйлчлэгч бодис болох 25мг циннаризин, туслах бодис аэросил, кальцийн стеарат, төмсний цардуул, лактоз (сүүний сахар), бага молекул жинт, анагаахын зориулалттай поливинилпирролидон (повидон) орно.
АНХААРУУЛГА
Уг бэлдмэлд хэт мэдрэг байх, жирэмсэн, хөхүүл, 12 хүртэл насны хүүхдэд хэрэглэх эсрэг заалттай. Мэдрэлийн тогтолцооны талаас нойрмоглох, хэт ядрах, толгой өвдөх, булчингийн тонус нэмэгдэх, сэтгэл унал. Хоол боловсруулах эрхтэн тогтолцооны талаас ам хатах, аюулхайгаар өвдөх, хоол боловсруулалт, шингээлт муудах, цөс зогсонгишлын шарлалт. Арьс, салстын зүгээс хөлс ялгаралт ихсэх, улаан, хавтгай үлд (маш ховор тохиолдоно). Бусад артерийн даралт унах, биеийн жин буурах, турах, чонон хөрвөс маягийн хам шинж илрэх гаж нөлөө илэрч болзошгүй.