Нейрорубин форте лактаб No.20
ХЭРЭГЛЭХ ЗААВАР
Хүнд явцтай өвчний үед насанд хүрэгсдэд: эхлээд 1 шахмал өдөр бүр буюу өнжөөд өвдөлт намдтал хэрэглэнэ. Цаашдаа долоо хоногт 1-2 удаа хэрэглэнэ. Хүндэвтэр явцтай өвчний үед насанд хүрэгсдэд: долоо хоногт 3мл-р (1 ампул)1-2 удаа хэрэглэнэ. Эмчилгээний үргэлжлэх хугацаа витамины дутагдал үүсгэж буй шалтгаанаас хамаарч лабораторийн үзүүлэлт болон эмнэлзүйн шинж тэмдэг хэвийн болтол эмчилгээг үргэлжлүүлнэ. Удаан хугацааны эмчилгээний үед (ялангуяа витамин В12) эмнэлзүйн хяналтыг 6 сар тутамд явуулна.
ТАЙЛБАР
Архины гаралтай захын мэдрэлийн эмгэг, Вернике-Корсакын хам шинж, шижингийн олон мэдрэлийн эмгэг, бери-бери (хуурай ба нойтон) өвчин зэргийн үед хэрэглэнэ. Мөн цочимог болон архаг мэдрэлийн ба олон мэдрэлийн үрэвсэл, гурвалсан мэдрэлийн өвдөлт, хүзүү ба мөрний мэдрэлийн өвдөлт, суудлын мэдрэлийн өвдөлт зэрэг эмгэгийн хавсарсан эмчилгээнд хэрэглэнэ.
НАЙРЛАГА
Үйлчлэгч бодис тиамины мононитрат (витамин В1) 200мг, пиридоксины гидрохлорид (витамин В6) 50мг, цианокоболамин (витамин В12) 1мг. Туслах бодис желатинжүүлсэн цардуул, маннитол, бичил талст целлюлоза, нунтаг целлюлоз, коллоид силиконы хоёрч исэл, магнийн стеарат, тус тус агуулагдана.
АНХААРУУЛГА
Тиамин (витамин В1) хааяа хөлрөх, зүрхний цохилт олшрох, загатнах шинж бүхий арьсны тууралт, чонон хөрвөс, ядрах, дотор муухайрах, айх түгшүүрлэх, globus syndrome, судас мэдрэлийн хаван (ангионевротик хаван), хөхрөх, уушгины хаван, хоол боловсруулах замаас цус алдах, коллапс ( ялангуяа мэдрэг өвчтөнүүдэд) зэрэг шинж ажиглагдана. Пиридоксин (витамин В6,): Батга ба батга төст арьсны тууралт үүсгэнэ. Маш ховор тохиолдолд харшлын урвал илэрнэ. Цианокоболамин (витамин В12): Өндөр тунгаар батгашилт үүснэ. Ховор тохиолдолд харшлын урвал ажиглагдана. Бэлдмэлийг витамин В1, В6, В12-д хэт мэдрэг өвчтөнүүдэд хэрэглэхгүй. Витамин В12 нь хайрст үлдийн үед эсрэг заалттай учир өвчний шинж тэмдэг муудаж болзошгүй тул хайрст үлдтэй өвчтөнүүдэд витамин В12-ыг хязгаарлана. Хэрэв та ямар нэгэн эмийн бэлдмэл хэрэглэж байгаа бол Нейрорубин - форте Лактабыг хэрэглэхээс өмнө эмчдээ мэдэгдээрэй. Паркинсоны өвчний эмчилгээнд хэрэглэдэг леводопа бэлдмэлийн үйлдэл витамин В6-г өндөр тунгаар хэрэглэж байгаа үед багасаж болно. Изониазидын хортой нөлөө ихсэж болзошгүй. Тиосемикарбазоны уламжлалын бэлдмэл ба 5-флуроурацил нь витамин В1-ын эсрэг нөлөөлж үйлдлийг нь сулруулна. Ходоодны хүчил саармагжуулах бэлдмэлүүд нь витамин В1-ын шимэгдэлтийг удаашруулна. Өвчтөний биеийн байдал сайжрах анхны шинж тэмдгүүд эмчилгээ эхэлснээс хойш долоо хоногийн дараа илэрнэ. Нейрорубин - форте Лактабыг хүүхдэд хэрэглэх талаар эмнэлзүйн судалгаа байдаггүй. Бэлдмэлийг хэрэглэх үед арьсны урвал (загатнах, чонон хөрвөс, батга), айж түгшүүрлэх, дотор муухайрах, “хоолойн дээр юм тээглэх”, чичигнэх, нүүр улайх, толгой эргэх зэрэг шинж ажиглагдана. Ийм шинж илрэх эрсдэл бүхий өвчтөнүүдэд тиамин агуулсан бэлдмэлийг булчинд давтан тарьсны дараа ховор тохиолдолд хэсэг газар анафилаксын урвал илэрнэ. Энэ үед глюкокортикоидууд ба гистамины эсрэг эм хэрэглэнэ.