Аскорбины хүчил 5%-2мл №10
ХЭРЭГЛЭХ ЗААВАР
Хүний биед С витамин үл нийлэгжих тул зөвхөн хоол тэжээлтэй орж байгаа С витамин бие махбодын хэрэгцээг хангана. Насанд хүрэгчдэд: Хоногт 70-150 мг-аар булчинд ба венийн судсаар тарих зэрэг аргаар хэрэглэнэ. Жирэмсэн ба хөхүүл үед: хоногт 70-150 мг-аар булчинд ба венийн судсаар тарих зэрэг аргаар хэрэглэнэ. Хүүхдэд: хоногт 40 мг-аар булчинд ба венийн судсаар тарих зэрэг аргаар хэрэглэнэ.
ТАЙЛБАР
С витамины дутагдал (чийг бам өвчин), гемофили, цус шүүрэлтийн диатез, янз бүрийн цус алдалт, туяаны өвчин, халдварт өвчнүүд, хордлого, цусны бүлэгнэлийг бууруулдаг эмүүдийн тунг хэтрүүлсэн хэрэглэсэн тохиолдлууд, элэгний өвчнүүд, цөсний хүүдийн үрэвсэл, удаан эдгэрэлтэй шарх, яршил, ясны бэртэл, шүд хорхойтох ам гэмтэх зэрэгт тус тус хэрэглэнэ. С витаминыг оюуны ба биеийн хүнд хөдөлмөрийн үе, жирэмсэн болон хөхүүл хүүхэдтэй эхчүүдэд мөн хэрэглэнэ. Хоол тэжээлийн дутагдлын улмаас витамин С дутагдаж болзошгүй үед ба түүний хэрэгцээ ихэссэн үед: Холбох эдийн коллаген ширхэгийн синтез ба стеройд гормоны үүсэлтйг дэмжинэ, судасны ханын нэвчимтгий чанарыг багасгана, антиоксидант нөлөөтэй. Бие мах бодыг гадны халдварт тэсвэртэй болгоно.
НАЙРЛАГА
Аскорбины хүчил 0.1г, натрийн гидрокарбонат 0.5г, натрийн метабисульфит0.002 г, тарилгын нэрмэл ус мл
АНХААРУУЛГА
Уг эмэнд харшилтай өвчтөн болон тромбоз ба тромбофлебитийн үед хэрэглэхгүй. Тэрчлэн бөөрний өвчнүүд болон шижин өвчний үед болгоомжтой хэрэглэвэл зохино. С витаминыг удаан хугацаагаар хяналтгүй хэрэглэвэл нойр булчирхайн Лангергансын аралын инсулин ялгаруулагч эсийг гэмтээх, глюкозури үүсгэх, чихрийн шижин үүсэх ба бөөрний дайвар булчирхайн гормонууд хэт ихэссэнээс бөөр гэмтэх, артерийн даралт нэмэгдэх зэрэг гаж нөлөө илэрнэ. Харанхуй сэрүүн газарт гэрлээс хамгаалж хадгална. Хүүхэд хүрэхгүй газарт хадгална.