5-нок 50мг №50
ХЭРЭГЛЭХ ЗААВАР
Нитроксолинд мэдрэг грам эерэг ба сөрөг нян, мөөгөнцрөөр үүсгэгдсэн шээс дамжуулах замын цочимог, архаг, дахилтат хэлбэрийн халдварын эмчилгээнд хэрэглэнэ. Үүнд: Бөөрний тэвшинцрийн үрэвсэл (пиелонефрит) , давсагны үрэвсэл (цистит), төмсөгний дайврын үрэвсэл (эпидидимит), түрүү булчирхайн халдварлагдсан хортой ба хоргүй хавдар, янз бүрийн ажилбарын үед (катетер тавих, давсаг дурандах) халдвараас урьдчилан сэргийлэх, бөөр, шээс бэлгийн замын мэс заслын дараах халдвараас урьдчилан сэргийлэх, шээс дамжуулах замын дахилтат хэлбэрийн халдвараас урьдчилан сэргийлэнэ
Насанд хүрэгсдэд хоногт 400-800мг тунгаар хэрэглэх бөгөөд хоногийн тунг 4 хувааж хэрэглэнэ
Хоногийн дундаж тун 400мг. 2 шахмалаар (бүрхүүлтэй шахмал) хоногт 4 удаа хоолны өмнө ууна. Шаардлагатай үед эмчилгээг завсарлагүйгээр буюу завсарлагатайгаар (сард 2 долоо хоног) үргэлжлүүлнэ
Хүнд явцтай эмгэгийн үед тунг нэмж болох ба харин 200мг-р хоногт 4 удаа хэрэглэхээс хэтрүүлж болохгүй. 5-аас дээш насны хүүхдэд хоногт 200-400мг тунгаар хэрэглэх бөгөөд хоногийн тунг 4 хувааж хэрэглэнэ
8кг-аас дээш жинтэй хүүхдэд хоногт 200мг тунгаар хэрэглэх ба мөн хоногийн тунг 4 хуваана
Бөөрний дутагдлын үед: хөнгөн явцтай бөөрний дутагдлын үед (креатининий клиренс 20мл/мин-с дээш) бэлдмэлийн тунг 2 дахин багасгаж хэрэглэнэ
Элэгний дутагдлын үед мөн бэлдмэлийн ердийн хэрэглэдэг тунг 2 дахин багасгаж хэрэглэнэ. 1 ширхгээр өдөрт 4 удаа хэрэглэнэ
ТАЙЛБАР
Нитроксолин нь грам эерэг ба сөрөг бактери, зарим мөөгөнцрийн эсрэг өргөн хүрээний үйлдэлтэй бэлдмэл
Шээсний замын халдвар үүсгэгч ихэнх бичил биетнүүдэд нөлөөлнө. Escherichia coli, Ureaplasma urealyticum, Myciplasma hominis, Candida spp., Torulopsis spp., Streptococcus spp., Corynebacterium diphteriae, Enterococcus spp., Salmonella spp., Shigella spp., Neisseria gonorrhoeae, Hemophillus influenzae зэрэг бичил биетнүүдэд идэвхтэй, Proteus spp., Staphylococcus spp-д бага зэрэг нөлөөлнө. Харин Pseudomonas spp., Providencia spp., Klebsiella sspp., Enterobacter spp., Serratia spp., агааргүйтэн бактериудад нөлөөлөхгүй
Нитроксолин ууж хэрэглэсний дараа нарийн гэдэсний ханаар сайн шимэгдэнэ. Өөрчлөгдөөгүй хэлбэрээр бөөрөөр шээстэй хамт гадагшилна
НАЙРЛАГА
1 шахмалд:50мг нитроксолин
Туслах бодис:Лактоза, карбоксиметилцеллюлоза, сахароза, Е110 тус тус агуулагдана
АНХААРУУЛГА
Цээрлэлт: Дараах тохиолдлуудад бэлдмэлийг хэрэглэхийг цээрлэнэ. Болор цайх Бэлдмэлийн бүрэлдэхүүн хэсгүүдэд хэт мэдрэг хүмүүс Хинолины уламжлалын бэлдмэлүүдэд хэт мэдрэг хүмүүс Хүнд явцтай бөөрний дутагдал (креатининий клиренс 20мл/мин-с бага
Хүнд явцтай элэгний дутагдал, Жирэмсэн ба хөхүүл үе Анхааруулга! Эмийн бодис хуримтлагдаж (кумуляци) болох тул бөөрний үйл ажиллагааны өөрчлөлттэй өвчтөнүүдэд маш болгоомжтой хэрэглэнэ. Гидроксихинолины уламжлалын эмүүдийг өндөр тунгаар удаан хугацаагаар хэрэглэх үед захын мэдрэлийн үрэвсэл ба харааны мэдрэлийн гэмтэл үүссэн тухай бичигдсэн байдаг. Нитроксолиныг хэрэглэж байгаа үед дээрх шинжүүд ажиглагдаагүй байна. Элэг ба бөөрний нэмэлт шинжилгээгүйгээр бэлдмэлийг 4 долоо хоногоос дээш хугацаагаар хэрэглэхгүй
Анхаарал төвлөрүүлэлтэнд бэлдмэлийн үзүүлэх нөлөө: Автомашин жолоодох болон механизмтай ажиллах чадварт нөлөөлдөг эсэх нь тогтоогдоогүй
Эмийн ба бусад харилцан үйлчлэл: Нитроксолиныг гидроксихинолин агуулсан болон уг уламжлалын эмүүдтэй хамт хэрэглэхгүй
Тун хэтэрсний улмаас илрэх нөлөө: Дотор муухайрах, бөөлжих зэрэг хоол боловсруулах замын хямрал илэрч болох тул дээрх гаж нөлөөнөөс зайлсхийж бэлдмэлийг хооллох үедээ хэрэглэж болно. Ховор тохиолдолд арьсаар тууралт гарах зэрэг харшлын урвал ажиглагдаж болох бөгөөд эмчилгээг зогсооход уг шинж тэмдэг түргэн арилна. Маш ховор тохиолдолд харшлын гаралтай цусны тромбоцитын тоо цөөрөх ба зүрхний цохилт олшрох, тэнцвэргүйдэх, толгой өвдөх, гаж мэдрэхүй болон захын мэдрэлийн эмгэг үүсэх зэрэг шинж илэрнэ. Ховор тохиолдолд цусан дахь шээсний хүчлийн хэмжээ, трансаминазын түвшин өөрчлөгдөж болно. 5-НОК бөөрөөр шээстэй ялгардаг учир шээсний өнгийг улаан шар болгож болно. Хэрэв өвчтөнд ямар нэгэн гаж нөлөөний шинж тэмдэг илэрвэл эмчлэгч эмчдээ мэдэгдээрэй